Presidenti i Kosovës, Hashim Thaçi, dënon ashpër vrasjen e kryetarit të Iniciativës Qytetare “Liria, Demokracia, Drejtësia” në veri e vendit, Oliver Ivanoviç.
“I ftoj organet e rendit që t’i ndriçojnë sa më shpejtë rrethanat e vrasjes së tij dhe aktorët e krimit të dalin para drejtësisë”, shprehet Thaçi.
Ai ka apeluar te qytetarët e të gjitha komuniteteve në veri të vendit që të bashkëpunojnë me organet e drejtësisë për ndriçimin sa më të shpejtë të kësaj vrasjeje.
Politikani serb Ivanoviç, u qëllua me armë zjarri në orët e para të mëngjesit të sotëm.
Ai u qëllua me së paku tre plumba teksa po hynte në zyrën e tij në Mitrovicë, ndërsa ndërroi jetë në spital për shkak të plagëve të marra.
Oliver Ivanoviç është gjykuar për disa krime në veri të Mitrovicës. /a.y/noa.al
Vrasja e Ivanoviç në Mitrovicë, qeveria serbe ndërpret bisedimet me Kosovën
Qeveria e Kosovës dënon vrasjen e politikanit serb në Mitrovicë
Vrasja e politikanit serb në Kosovë, gjendet një makinë e djegur