Transmetuar më 08-01-2018, 15:04
Publicitet

Tiranë, NOA.al- I gjithë territori paraqitet kryesisht i vranët por në zonat Jugore do të ketë edhe kthjellime  të shkurtra gjatë paradites. Pasditja mbetet nën ndikimin e motit të vranët por mundësia për reshje në territor vlerësohet thuajse zero, përjashtuar ekstremin kufitar Pogradec- Korcë-Bilisht ku mund të ketë reshje të papërfillshme dhe të izoluara. Vranësirat do të mbeten dominante edhe gjatë orëve të natës, në të gjithë vendin.

Sipas MeteoAlb, temperaturat e ajrit rriten lehtë gjatë mëngjesit por mbeten thuajse konstante në mesditë duke ruajtur maksimumin territorial prej 22 °C.

Era do të fryjë e lehtë deri mesatare me shpejtësi 32 km/h nga drejtimi Lindor-Juglindor duke gjeneruar në det dallgëzim 2 ballë.

Europa

Europa Jugperëndimore dhe pjesërisht Britania e Madhe, dominohen nga vranësira dhe rrebeshe të shpeshta shiu. Po ashtu, zona e Alpeve Europiane mbetet me vranësira reshje të dendura dëbore të shoqëruara me stuhi të forta ere. Por kthjellime dhe vranësira kalimtare vijojnë ndikimin e tyre në pjesën më të madhe të kontinentit Europian. /a.y/noa.al