Ta nisësh ditën e parë të javës me një drekë të shijshme është gjë e mirë që sjell harmoni të shtuar në familje.

Shefi i kuzhinës për këtë të hënë ju sugjeron fort, bërxolla tenxhereje, me limon, të shijshme dhe të thjeshta për t’u gatuar.

Për 2 deri katër persona të rritur, merrni katër copë bërxolla nga pjesa e qafës së viçit, dy thelpinj hudhër, rigon, borzilok, kripë, piper, vaj ulliri dhe lëngun e dy limonëve.

Lajmë bërxollat dhe i thajmë ujin.

Në një tenxhere i vendosim dhe i lëmë që të marrin ngjyrë në të dy anët.

Shtojmë vaj dhe hedhim edhe hudhrën e grirë.

Më pas shtojmë rigonin, kripë, piper dhe afro një gotë ujë.

I lëmë gjysmë ore të ziejnë në tenxhere.

Sapo ta kenë pirë ujin, janë gati dhe i shtojmë lëngun e limonit.

Edhe pak sekonda për dy valë të tjera dhe largojini nga zjarri.

Merrni patate dhe skuqini (ose furre) dhe shtojani bërxollës në çdo pjatë.

E gjithë koha që ju duhet është 30 minuta. /noa.al/