Transmetuar më 07-01-2018, 08:11
Publicitet

Kryeministri Edi Rama e ka përqendruar fokusin e tij tek turizmi dhe pikërisht në këtë fushë, është ndalur edhe mëngjesin e kësaj të diele.

Ai ka publikuar në Facebook, një artikull të një reviste franceze, e cila promovon plazhet e bukura, jetën e natës dhe natyrën e mrekullueshme në Shqipëri.

“Mirëmëngjes dhe me këtë artikull botuar në mediat franceze për Shqipërinë dhe paketat e larmishme turistike që nuk duhen humbur gjatë vitit 2018, ju uroj një të dielë të qetë”, shkruan Rama.

Shqipëria ka thithur një numër rekord turistësh në 10 mujorin e parë të vitit 2017.

Vlera turistike të vendit tonë janë promovuar nga revista franceze, “InfoMagazinë”, e cila vë theksin tek plazhet e bukura, jeta e natës, natyra e mrekullueshme..etj.

Po ashtu revista në fjalë ka theksuar se tashmë në vendin tonë ekziston dhe turizmi dentar.

Drejtori i Agjencisë Kombëtare të Turizmit, pranë Ministrisë së Zhvillimit Ekonomik, Turizmit, Tregtisë dhe Sipërmarrjes, Ardit Çollaku, ka shpërndarë në Facebook artikullin në fjalë, ku nënvizohet dhe produkti më i ri i turizmit, ai dentari; Sorridere e Viagiare.

“Në një artikull të saj, revista Franceze “InfoMagazinë”, ngre lart vlerat e Turizmit shqiptar për sitet historike, plazhet e bukura, natyrën e mrekullueshme dhe jetën e natës ne kryeqytet, duke përmendur gjithashtu arritjet dhe numrin rekord të turistëve në vend për 10 mujorin e parë të vitit 2017. Një vlerësim të veçantë ka marrë një tjetër produkt i ri turistik që ofron Shqipëria, siç është ai i Turizmit dentar ku një shembull konkret dhe shumë pozitiv është ofruar nëpërmjet Agjencisë shqiptare që mbulon këtë sektor ”Viaggiare e Sorridere”.

Çollaku deklaron se duke filluar nga ky vit i ri 2018, ky produkt i ri turistik do të jetë gjithashtu pjesë e paketës promocionale të Agjencisë Kombëtare të Turizmit në bashkëpunim me shoqatën e Dentistëve shqiptare dhe shoqatat e Operatore të fushës së Turizmit. /a.y/noa.al