Në gjendje të rënduar psikologjike, dy persona kanë tentuar që ti japin fund jetës, në mënyrë tragjike.
Bëhet fjalë për dy raste të ndryshme, njëri i ndodhur në Berat dhe tjetri në Fushë Krujë, ku një djalë i ri dhe një burrë kanë pirë bar miu.
Rasti i parë është shënuar paraditen e së hënës, rreth orës 11:00. Në banesën e tij është vetëhelmuar me bar miu, 32-vjeçari L. Ç (M), banues në Fushë Krujë.
I riu u gjet nga familjarët në gjendje të rëndë, por fatmirësisht pasi mori mjekim në spitalin “Nënë Tereza”, u largua për në banesë.
Rasti i dytë ka ndodhur pasditen e së dielës, më Berat. Rreth orës 18:00, në banesë, shtetasi S.V., 55 vjeç, në ndikimin e alkoolit, ka pirë bar miu.
Ai u dërgua në spitalin e Beratit nga të afërmit, ku pas ndihmës së marrë nga bluzat e bardha u largua për në banesë.
Lidhur me të dyja rastet materialet iu referuan Prokurorisë për ndjekje të mëtejshme. /a.y/noa.al