Ndjekësit e Champions League tashmë njohin përballjet e skuadrave në 16-she. Shorti i hedhur në Nyon të Zvicrës ka përcaktuar skuadrat që do të vihen përballë.
Skuadra me më shumë kupa Champions dhe kampionia aktuale, Real Madridi do të luajë me Paris Saint Germain të Francës. Bayern i Mynihut do të luajë me Besiktas-in, ndërsa Barcelona me Chelsea-n, fillimisht në Angli.
Juventus do të luajë me Tottenham-in, ndërkohë që Ukraina, ku do të zhvillohet finalja, përfaqësohet në 16-she nga Shakhtar Donetsk.
Takimet do të luhen në dy data në shkurt të vitit të ardhshëm, për të vazhduar pas kësaj me ndeshjet e kthimit në mars.
Juventus – Tottenham
Basel – Manchester City
Porto – Liverpool
Sevilla – Manchester United
Real Madrid – Paris Saint-Germain
Shakhtar Donetsk – Roma
Chelsea – Barcelona
Bayern Munich – Besiktas
Turqia është shteti i dytë i Evropës Lindore, veç Ukrainës, i përfaqësuar në këtë fazë të 16-shes.