Një vajzë shtatëvjeçare pakistaneze është duke vuajtur nga një gjendje e rrallë që i shkakton fryrjen e këmbës tre herë më shumë nga sa është madhësia normale.

Tahira Khan u kafshua nga një mushkonjë dhe ka elefantizëm, një infeksion parazitar që e ka bërë gjymtyrën e saj të përjetojë dhuimbje të forta dhe të enjtet duke e çuar peshën e saj deri në 10 kilogramë.

Për shkak të peshës së madhe dhe madhësisë së këmbës së saj, Tahira, nga Nasirabad në krahinën Balochistan, nuk mund të ecë dhe qëndron e ulur për muaj të tërë.

Ajo nuk mund të qëndrojë më vetë në këmbë dhe ka nevojë për mbështetje nga anëtarët e familjes së saj për të shkuar në tualet ose duke ngjitur shkallët në shtëpi.

Ajo ka qenë e detyruar të braktisë shkollën dhe të jetojë si një i varfër. Familjes së saj i është thënë se urgjentisht vajza ka nevojë për ndihmë mjekësore, por ata janë shumë të varfër për të financuar trajtimin, pasi babai i saj fiton vetëm 3 paund në ditë.

"Ne jemi të shqetësuar për gjendjen e saj pasi po i shkakton shumë dhimbje. Ajo nuk është në gjendje të ecë më vetë ose të qëndrojë në këmbë”, u shpreh vëllai i saj 27 vjeçar Rozi Khan.

Elefantizmi, e njohur si sëmundja e këmbës së elefantit, karakterizohet nga një ënjtje jonormale e indeve. Ajo është më së shpeshti e shkaktuar nga një parazit i bartur nga mushkonjat. Tahira ka lindur si fëmija i tetë për prindërit Bazar Khan, 53 vjeç dhe Toorpaikhi Khan, 49 vjeç.

Bazar drejton një dyqan të vogël ushqimor jashtë shtëpisë së tij, i cili nuk fiton mjaftueshme për të paguar për ndihmën e specialistit për nevojat e Tahiras. Ai thotë se gjatë këtyre viteve kanë konsultuar disa mjekë, por kohët e fundit ata i kanë thënë se trajtimi për një gjendje të tillë nuk është i disponueshëm në Balochistan.

Prindërit e dëshpëruar të Tahira po luten për ndihmë nga qeveria e Pakistanit.“Ne apelojmë qeverinë e Pakistanit për të ndihmuar vajzën tonë. Nëse qeveria vjen për ndihmë, vajza jonë mund të jetojë një jetë normale.

Dua ta shoh vajzën time të shkojë në shkollë dhe të luaj me fëmijët e tjerë. Unë dua ta shoh atë të jetojë një jetë normale dhe shpresoj që dëshira ime të plotësohet një ditë", u shpreh babai i saj./b.l/noa.al/