Transmetuar më 12-11-2017, 16:08

Një shqiptar 35 vjeçar ka mbetur i vrarë ditën e djeshme nga fqinja e tij 26 vjeçare përdoruese droge.

Ditën e sotme mediat kanë publikuar emrin e shqiptarit që gjeti vdekjen në përpjekje për të ndihmuar fqinjën e tij. Shqiptari është identifikuar si Valton Loka, prind i dy fëmijëve 15 dhe 7 vjeç.

Mësohet se familja e tij jetonte prej kohësh në Ksiropotamo, Irakleo në Kretë dhe përballet me probleme ekonomie. Gruaja e tij tashmë ndodhet në vështirësi për të sjellë trupin e bashkëshortit në Shqipëri, ku do të kryhet edhe ceremonia mortore.

Ndërkaq mediat greke kanë publikuar edhe foton e autores së dyshuar, e cila mësohet se ishte e skeduar për vjedhje, por ndodhej jashtë hekurave për shkak të gjendjes së saj shëndetësore.

Ajo jetonte në një shtëpi me qera të marrë nga nëna e saj, ndërsa ka edhe një vëlla në burg në Koridhali.

Në bazë të raportimeve, shqiptari kishte shkuar në shtëpinë e vajzës greke, për t’i kërkuar të ulë zërin e lartë të muzikës, në orën 01:00 të mëngjesit. Ajo ishte në krizë totale, pasi ishte përdoruese droge, shkruajnë mediat greke.

Kur fqinja greke 26 vjeçe e kishte parë shqiptarin që po vinte, kishte marrë një thikë në kuzhinë dhe e kishte goditur disa herë në kraharor.

Menjëherë ishte njoftuar ambulanca dhe policia, por edhe pse ndërhyrja ishte e shpejtë, babai i dy fëmijëve, ka ndërruar jetë rrugës për në spital.