Duam apo nuk duam, të gjithë ne që e ndjekim futbollin, e luajmë ndonjë bast, për qejf apo kur kemi nevojë për para, çdo ditë apo një herë në javë a muaj.

Gjashtë vite më parë, e lodhur nga fjalët drejtuar bashkëshortit të saj, një shofer taksie dhe djalit për paratë që linin në pikat e basteve sportive, një grua vendosi që t’u bashkohet atyre.

59-vjeçarja nga Kenti në Britaninë e Madhe që prej asaj kohe vendoste çdo fundjavë nga 1 paund skedinë edhe vetë.

Fitores i është afruar shpesh, por vetëm fundjavën që kaloi qëlloi në shenjë dhe këtë e bëri me një shumë të majme.

59-vjeçarja parashikoi saktë 12 ndeshje dhe në total fitoi fiks 574,278.41 paund. Fituesja thotë se parashikimet janë vendosur duke patur parasysh emrat e skuadrave, jo formën e tyre.

“Vendosa fitoren për skuadrat, emrat e të cilave më dukeshin më të këndshme”, citohet ajo nga mediat britanike. Skedina ishte vendosur tek kompania “William Hill”.

Zëdhënësi i William Hill, Rupert Adams, shpjegon: “Prej 4o vitesh bashkëshorti i zonjës vendoste baste, me një paund. Në gjithë jetën time, nuk kam parë kurrë që një femër të fitojë kaq shumë me një paund bast”.

Ndeshjet

Huddersfield – West Brom     1

Newcastle – Bournemouth      2

 Southampton – Burnley      2

Swansea – Brighton             2

Aston Villa – Sheff Wed      2

Barnsley – Birmingham     1

Bolton – Norwich               1

Derby – Reading             2

Ipswich – Preston             1

Millwall – Burton              2

Nottingham F. – QPR       1

Sheff Utd – Hull             1