Transmetuar më 08-11-2017, 15:40
Presidenti i Republikës, Ilir Meta priti sot në një takim znj. Flutura Uta Ibrahimi, shqiptaren e parë që u ngjit në Everest.
Në takim mori pjesë edhe z.Xhimi Begeja, kryetar i Shoqatës Alpino-Turistike “Dajti”, më të cilin u diskutua për promovimin e bjeshkëve dhe alpeve shqiptare.
Uta Ibrahimi realizoi ëndrrën e saj, duke u ngjitur në majën më të lartë të botës, në Everest gjatë muajit maj.
Në orët e para të mëngjesit të 22 majit të këtij viti, Uta Ibrahimi, vendosi flamurin shqiptar dhe atë të Kosovës në majën më të lartë të botës.
Ajo nuk u tërhoq nga moti keq, por e gjunjëzoi malin i cili i ka marrë jetës disa alpinistëve dhe për 15 minuta e kishte Botën nën këmbët e saj. /b.l/noa.al/