Transmetuar më 06-11-2017, 07:56

Stephen Hawking, fizikani i famshëm, dhe multi-miliaderi Elon Musk, ndajnë një mendim të përbashkët mbi një fakt të frikshëm.

Ata thonë se Inteligjenca Artificiale paraqet një rrezik serioz për mbarë njerëzimin.

Në një intervistë të kohëve të fundit Hawking shprehu shqetësimet se robotët do të shfarosnin njerëzit.

Fizikani dhe autori tha se ai beson se inteligjenca artificiale do të jetë në gjendje të arrijë një nivel zhvillimi, që do ta lejojë të “mbizotërojë mbi rracën njerëzore”.

Ai shprehet se jo vetëm që ka frikë se robotët mund të përfundojnë duke i bërë njerëzit me të vjetërsuar, por shqetësohet se ata në fakt mund të marrin kontrollin.

“Kam frikë se inteligjenca artificiale mund të zëvendësojë krejtësisht qeniet njerëzore.  Ata do të krijojnë një formë e re jete që tejkalon njerëzit, “tha shkencëtari i famshëm për “The Wired”

Kjo nuk është hera e parë që ai ka bërë një parashikim të tillë për të ardhmen duke përfshirë robotët, të huajt apo racën njerëzore.

Tetorin e kaluar, ai tha se nuk beson se ekziston një dallim i madh midis asaj mund të arrijë truri i njeriut dhe asaj që mund të arrijë një kompjuter.

Pak pas kësaj Haëking tha në një intervistë me “BBC” se robotët mund të sjellin fundin e racës njerëzore.”

Stephen Haëking është një prej fizikanëve  më te njohur në botë. Ai ka bërë zbulime rëndësishme mbi kozmologjinë dhe bë i njohur nëpërmjet librave të tij shkencorë mbi fizikën moderne.