Transmetuar më 03-11-2017, 15:06

Pjesa e parë e ditës dominohet nga kthjellimet në të gjithë Shqipërinë por zonat kufitare Lindore do kenë vranësira kalimtare.

Mesdita dhe pasditja sjellin mot të kthjellët në të gjithë territorin shqiptar, kushte të cilat mbeten dominante edhe gjatë natës.

Sipas MeteoAlb, temperaturat e ajrit sjellin një rënie të lehtë në mëngjes por pritet rritje e lehtë në mesditë, në ultësirën perëndimore.

Era do të fryjë mesatare por paradite deri e fortë, me shpejtësi mbi 30 km/h nga drejtimi Verilindor – Verior duke gjeneruar në det dallgëzim mbi 2 ballë.

Europa

Europa Jugperëndimore dhe Perëndimore mbetet me vranësira dhe rrebeshe të shpeshta shiu. Po ashtu, zona e Alpeve Europiane dhe pellgu i Detit Egje, paraqiten me vranësira të shpeshta por reshje të pakta.

Por në kushtet e motit të kthjellët mbetet Europa Qendrore dhe Lindore si edhe pjesa më e madhe e Veriut të kontinentit. /b.l/noa.al/