Duke nisur nga kjo javë, vëzhguesit e emëruar nga Operacioni Ndërkombëtar i Monitorimit për mbikëqyrjen e procesit të vettingut, pjesë e reformës në drejtësi do të vijnë në Shqipëri për detyrën e tyre afatgjatë.
Vendosja në Tiranë e gjithë ekipit prej 8 vëzhguesish (7 nga gjyqësorët e shteteve anëtare të BE-së dhe 1 nga gjyqësori i SHBA-ve) do të përfundojë gjatë javëve të ardhshme, bashkë me mbërritjen stafit ndihmës për kryerjen e detyrave siç parashikohen në legjislacionin kombëtar.
Përfshirja e komunitetit ndërkombëtar në këtë proces parashikohet nga ana kushtetuese dhe është konsideruar vendimtare për kredibilitetin e procesit nga legjislatori shqiptar.
ONM-ja nuk ka funksione ekzekutive që prekin rivlerësimin aktual të gjyqtarëve dhe prokurorëve në Shqipëri, çka kryhet nga organet vendore të vettingut. /b.l/noa.al/