Transmetuar më 13-09-2017, 18:10

Ka ngjallur reagime të forta një koment i kryebashkiakut të partisë së Presidentit turk Recep Tayip Erdogan.

Kryebashkiaku i Ankarasë, në një postim në Twitter, lutet që Allahu të dërgojë një tjetër katastrofë natyrore ndaj Shteteve të Bashkuara të Amerikës.

“Kostoja e uraganeve Harvey dhe Irma është 290 miliardë dollarë. Do vazhdojmë të lutemi dhe t’i kërkojmë Allahut që t’i dërgojë një tjetër fatkeqësi natyrore kështu do merren me problemet e tyre dhe jo me ne”, shkruan kryebashkiaku turk.

Melih Gokcek është një eksponent i lartë i AKP, i partisë së Erdogan, si dhe kryebashkiak i Anklarasë qysh prej vitit 1994, shkruan noa.al.

Në profilin e tij në Twitter, ai numëron mbi 4 milionë ndjekës. /a.y/noa.al