Shqipëria ka marrë tre pikë me vlerë përballë një kundërshtari modest si Lihtenshtejni.
Takimi i luajtur në “Elbasan Arena” përfundoi me rezultatin 2-0 në favor të kuqezinjve.
Pjesa e parë e takimit, në kuadër të kualifikimeve për Kupën e Botës, u mbyll me rezultatin e bardhë 0-0, edhe pse Shqipëria luajti në gjysmëfushën e Lihtenshtejnit pothuajse gjatë gjithë 45-minutëshit.
Ka qenë mesfushori Odise Roshi ai që ka zhbllokuar rezultatin duke shënuar në minutën e 54’ të takimit.
Golit i dytë dhe përfundimtar i këtij takimi është shënuar nga mbrojtësi Ansi Agolli në minutën e 78’ të ndeshjes.
Pas kësaj fitoreje, Shqipëria pozicionohet në vendin e tretë me 12 pikë dhe që ka përpara Spanjën dhe Italinë me nga 16 pikë.
Ky është takimi i parë për kombëtaren shqiptare me trajnerin e ri italian, Christian Panucci, duke e nisur me këmbë të mbarë.
Takimin e ardhshëm Shqipëria do ta ketë përballë Maqedonisë në transfertë, ku edhe në këtë ndeshje do të kërkohet fitorja./a.k/noa.al/