Transmetuar më 17-08-2017, 12:38

Këmbët e plasaritura shkaktojnë një bezdi të madhe, sidomos ditëve të verës kur na duhet t’i ekspozojmë më tepër. Express ka publikuar disa truke të thjeshta për t’i eliminuar plasaritjet në mënyrë natyrale. Kështu këmbët tuaja do të duken të bukura përsëri.

Trajtimi me ujë të ngrohtë

Përbërësit: ujë të vakët, 2 lugë sodë, 2 lugë kripë

Përgatitja: Në një legen shtoni ujë të vakët, sodën  dhe kripën. Përziejeni mirë dhe fusni këmbët tuaja në ujë për 15 minuta. Pas 15 minutash thani këmbët dhe fshijini butësisht me një peshqir për të hequr shtresën e lëkurës së vdekur.

Pastrimi

Përbërësit: 2 lugë vaj, 1 lugë sheqer

Përgatitja: Në një tas shtoni 2 lugë vaj dhe 1 lugë sheqer. Skrabi është gati, fërkoni këmbët për 5 minuta dhe më pas lajini me ujë të pastër.

Hidratimi

Përbërësit: 3 qirinj, 2 lugë vaj ulliri

Përgatitja: Në një tas shtoni 2 lugë vaj dhe një copë të vogël qiriri. Vendoseni këtë në ujë të nxehtë që të shkrihet.

Lëreni të ftohet dhe kremi i këmbëve tuaj është gati. Aplikojeni këtë krem mbi fundin e këmbëve tuaja dhe më pas vishni çorape.