Një grua në Këln të Gjermanisë humbi të dyja këmbët dhe një dorë pasi u pickua nga një insekt, ndërkohë që ishte duke nxjerrë plehrat jashtë.
Ngjarja në fjalë ka ndodhur në mes të muajit mars, por sipas "Rusia Todey" lajmi është bërë i ditur vetëm këtë javë.
43 vjeçarja Sonja Kujas sapo kishte nisur ditën e punës në një kompani ku punonte si pastruese, kur u pickua në krah nga një insekt.
"Dallova menjëherë një gungë. Më pas nisa të kisha marrje mendsh, ftohtë dhe dhimbje. Koleget e mia morën menjëherë ambulancën", tha Kujas.
Pas një ekzaminimi, mjekët e çuan atë në shtëpi. Megjithatë gjendja e saj vijoi të përkeqësohej dhe gruaja u dërgua sërish në spital.
Pickimi i insektit çoi në infeksion të rëndë (sepsis), një formë e helmimit të gjakut. Bashkëshorti i saj Andy rrëfeu se vetëm duke e parë, e dalloje që gjymtyrët e saj po vdisnin, po bëheshin të zeza.
Në fund, jeta u gruas u shpëtua por asaj iu prenë të dyja këmbët dhe dora e majtë. /b.l/noa.al/