Transmetuar më 14-07-2017, 19:18
Gjashtë turiste u sulmuan me thikë nga një burrë në një resort turistik në Hurghada të Egjiptit. Gjatë sulmit, dy prej turisteve mbetën të vdekura, ndërsa katër të tjera u plagosën.
Autori i ngjarjes, i cili u arrestua pak pas ngjarjes së mesditës së sotme, aktualisht po merret në pyetje.
Ai mbërriti me not në bregun e detit pranë resorit, për t’u futur më tej në hotel.
Mësohet se tre prej turisteve të sulmuara janë serbe, dy ukrainase dhe një polake.
Nuk dihen ende shkaqet e sulmit, ndërkohë që policia po heton për zbardhjen e tyre. /a.y/noa.al