Presidenti i Serbisë, Aleksandar Vuçiç është takuar në Beograd me presidenten e Kroacisë, Kolinda Grabar Kitaroviq.
Ajo ka udhëtuar në Beograd si e ftuar në inaugurimin e presidentit të ri serb, Aleksandar Vuçiq.
Vuçiq dhe Grabar Kitaroviq kanë biseduar në katër sy, kurse presidenti i Serbisë ka thënë se beson se marrëdheniet ndërmjet dy shteteve dhe dy popujve do të përmirësohen deri në fund të vitit.
Vuçiq u ka thënë gazetarëve se me presidenten kroate ka biseduar për problemet konkrete dhe se është shumë i kënaqur me takimin, transmetojnë mediat kosovare. Ndërkaq ajo që ka rënë më së shumti në sy ka qenë veshja e presidentes kroate. E para e shtetit kroat është shfaqur në Beograd e veshur kuqezi.
Nuk dihet nëse kjo është bërë qëllimisht apo presidentja kroate thjesht është ndjerë mirë me atë veshje.
Gjatë vitit të kaluar, presidentja ka qenë pjesëmarrëse edhe në inaugurimin e presidentit të Kosovës, Hashim Thaçi.