Të gjithë kemi armë sekrete që na ndihmojnë të fitojmë një argument me dikë, dikush lotët, e dikush tjetër faljen. Por është një fjalë me dy shkronja që i jep fund çështjes më shpejt, dhe nuk është asnjë nga ato që keni përdorur deri tani.  

Hal Runkel, një terapist familjeje, thotë për Business Insider se fjala që duhet përdorur më shumë në lidhjen tonë është “Oh”.

“Kur jemi në debat, është e pashmangshme që të themi diçka që lëndon personin tjetër, duke përdorur informacionin e brendshëm që kemi për të apo që ai/ajo ka për ty. Ata kanë përdorur diçka që askush nuk e di, dhe e përdor këtë mbi ty, dhe ti je kaq i lënduar dhe do vetëm që ti bërtasësh”, thotë Runkel.

Runkel thotë se nëse mendon se ajo që thotë të lëndon, ktheje argumentin në një tjetër drejtim. “Tani i gjithë ai debat, që është në një rrugë mjaft të njohur, kthehet në një tjetër rrugë pasi njëri prej jush zgjodhi të jetë i prekur, dhe thotë “Oh. Kjo të lëndon”, vijon ai.

Por ai thotë se kjo duhet të bëhet në një mënyrë ‘të zhurmshme’. Kjo ndodh kur jemi në pikën e nxehtë të konfliktit dhe harrojmë veten dhe kush jemi në të vërtetë.