Fitorja e mbrëmjes së djeshme ndaj kombëtares së Izraelit i ka mbushur gjithë entuziazëm futbollistët e kombëtares shqiptare.
Në dhomat e zhveshjes siç mund të shihni në fotografi, ata kanë shpërthyer në festime.
Kujtojmë se fitorja e së dielës është e para e kombëtares sonë në këto eliminatore për Botërorin që do të zhvillohet në Rusi.
Ishte Armando Sadiku ai që shënoi golin e parë për kombëtaren shqiptare në minutën e 22’, pas një pasimi nga Odise Roshi.
Goli i dytë ka ardhur sërish nga Sadiku në minutën e 44’ të pjesës së parë, i cili ka gjuajtur nga një distancë e largët.
Me këtë rezultat Shqipëria e ka mbyllur edhe pjesën e parë të takimit.
Në pjesën e dytë Shqipëria ka shënuar edhe golin e tretë, ku këtë herë ka shënuar Memushaj në minutën e 71’ të takimit.
Pas kësaj fitoreje Shqipëria ngjitet në vendin e tretë me 9 pikë, po aq sa Izraeli.
Vendin e parë e ndajnë Spanja dhe Italia me nga 16 pikë dhe mbyllin grupin Maqedonia me 3 pikë në vendin e pestë, ndërsa Lihtenshtejni me zero pikë. /a.y/noa.al