Ky është horoskopi për ditën e enjte, 1 qershor 2017 që Noa.al sjell për ju. Njihuni me parashikimin për punën, shëndetin dhe ndjenjat, si do ecë dita për të lindurit e çdo shenje.

Dashi

Do të keni ide dhe intuitë që do ju ndihmojnë pafund për të studiuar taktikat e punës. Gjithashtu do të tregoni se sa vleni dhe do të vlerësoheni për këtë gjë. Kjo pasi do zbatoni në mënyrën më të mirë të mundshme, gjithçka që do ju kërkohet. Me financat nuk keni për të pasur probleme.

Demi

Familjarët dhe miqtë ju kanë shumë përzemër dhe do e tregojnë këtë gjë, duke ju bërë të ndiheni mirë. Mundohuni ta kaloni të enjten vetëm me personat që ju bëjnë të ndiheni mirë. Beqarët do realizojnë një nga takimet më të veçanta dhe do ndihen menjëherë gati për të hedhur hapa.

Binjakët

Mos i shpenzoni energjitë e çmuara, por mundohuni të tregoheni sa më racionalë dhe të vendosur. Planetë të ndryshëm, do ju turbullojnë lidhur me atë që është më e përshtatshme që të bëni. Shmangni ekspozimet e tepruara, por qëndroni më mirë në vendin tuaj dhe veproni vetëm kur të jeni të sigurtë.

Gaforrja

Mbështetja që do ju japë Hëna, kthjelltësia dhe vitaliteti do të bëjë që të zgjidhni një çështje të komplikuar. Do të vlerësoni gjithnjë çdo gjë me kujdes, duke shpresuar se do kaloni pengesat e mundshme. Një etapë më e bukur do fillojë për ju. Buxheti më në fund do jetë shumë i mirë.

Luani

Largohuni nga ambienti i zakonshëm, për të zgjeruar njohuritë tuaja diku tjetër. Do të jeni të lodhur për shkak të një teke kapriçoze të Marsit, por ndoshta do e kuptoni se ku po gaboni, duke përmirësuar taktikë. Ditë e mbushur me adrenalinë të paparë do jetë kjo e sotmja për të dashuruarit.

Virgjëresha

Gjendja juaj shpirtërore nuk paraqitet mirë për shkak të ndikimit të Venusit. Do të fajësoni për çdo gjë partnerin/en tuaj, por do tregoheni të padrejtë. Mos u lodhni shumë, por tregohuni më të vendosur dhe spontan. Kujdes bëni me shëndetin gjatë kësaj dite pasi do ju shfaqë disa shqetësime të vogla.

Peshorja

Po menaxhoni në sajë të mbështetjes së Marsit përgjegjësi të shumta, të cilat do dini si t’i çoni deri në fund. Por bëni mirë të ndaloni një moment dhe t’u delegoni edhe të tjerëve përgjegjësi, pasi keni nevojë për t’u çlodhur. Beqarët nuk do kenë ditën më të mirë kështu që njëherë për njëherë nuk duhet të hedhin hapa.

Akrepi

Do të keni mundësi shumë të mira, por duhet të tregoheni të sigurtë në veten tuaj. Tregoni kujdes maksimal ndaj lëvizjeve tuaja dhe ndaj planeve që deri më tani i keni ruajtur në sirtar. Vërini në zbatim pa asnjë dyshim, pasi do të keni sukses. Pasioni, por edhe logjika do jenë ato që do iu udhëheqin sot juve që jeni në një lidhje.

Shigjetari

Tregohuni besimplotë, optimistë dhe dini si të buzëqeshni ndaj botës. Do të dini të shikoni të bukurën kudo që të ndodhet, ndonëse do t’iu duhet të zgjidhni disa probleme në punë ose në familje. Marsi do ju mbështesë që të bëni zgjedhjet e duhura. Në planin financiar duhet të ndryshoni mënyrën e menaxhimit.

Bricjapi

Planetët do të bashkëveprojnë me njeri tjetrin duke favorizuar të lindurit e kësaj shenje. Do të keni mundësi të shkëlqyera për fitime shtesë, frymë biznesi dhe avantazhe të shumta. Ditë pozitive ka për te qenë kjo e sotmja për të gjithë ata që janë në një lidhje. Beqarët do ua kushtojnë gjithë kohen e lireë personave që kanë njohur së fundmi.

Ujori

Do të guxoni me një nismë e cila do të kërkojë shumë punë prej jush. Në fund do ndiheni të lodhur por të kënaqur që i’a keni dalë. Pjesa e dytë e së enjtes parashikohet të jetë e qetë, çka do ju mundësojë që të rigjeni energjitë. Në planin financiar gjendja nuk do jetë ashtu si ju e keni pritur, prandaj kujdes me çdo shpenzim.

Peshqit

Do të tregoheni me intuitë dhe do arrini të kuptoni se si të gjeni rrugën e drejtë nga e gabuara dhe do arrini të jepni zgjidhje të papritura. Mërkuri dhe Venusi do të kenë ndikim pozitiv në shenjën tuaj dhe do ju ndihmojnë që këtë të enjte ta kaloni në mënyrë të paparë. /b.l/noa.al/