Ky është horoskopi për ditën e enjte, 18 maj 2017 që Noa.al sjell për ju. Njihuni me parashikimin për financat dhe ndjenjat, si do ecë dita për të lindurit e çdo shenje.

Dashi

Pritet të kaloni momente të mrekullueshme gjatë kësaj dite pranë atij që dashuroni. Debatet dhe mosmarrëveshjet më në fund do mbarojnë. Beqarët do i japin prioritet punës dhe nuk do e kenë aspak mendjen për të kërkuar princin e kaltër. Në planin financiar duhet të vazhdoni të tregoheni vigjilentë.

Demi

Çdo gjë do shkojë mirë gjatë ditës së sotme për jetën sentimentale, vetëm se në mbrëmje mund të lindë ndonjë debat shumë i vogël. Beqarët më mirë të dalin e të argëtohen me miqtë sesa ta mbajnë mendjen tek krijimi i një lidhjeje. Yjet nuk parashikojnë raste të mira sot. Në aspektin financiar edhe pse do shpenzoni pak më tepër nuk priten vështirësi.

Binjakët

Përfitoni nga mundësitë që do iu jepen për t’i sqaruar mosmarrëveshjet me partnerin/en tuaj sepse sa më shumë kohë të kalojë aq më shumë vështirësi do keni. Beqarët ka rrezik të afrohen me disa persona që kanë kaluar paraprakisht një periudhë te vështirë dhe kanë vuajtur. Financat nuk do jenë të këqija.

Gaforrja

Duhet të merreni pak më tepër me jetën tuaj në çift sot sepse në fakt keni pak kohë që e keni lënë pas dore atë. Beqarët do jenë sharmantë dhe do kenë më tepër mundësi të marrin propozime. Sido që të jetë e mira është që të tregohen të matur dhe largpamës. Mërkuri do ju nxitë të jeni striktë me shpenzimet dhe nuk do keni asnjë tronditje në këtë sektor.

Luani

Jeta juaj në çift sot do jetë si një ëndërr. Dielli dhe Hëna do jenë aleatë dhe do krijojnë kushtet e duhura që çdo çast për ju të jetë i jashtëzakonshëm. Do ndiheni si kurrë ndonjëherë më parë. Beqarët nuk do presin gjatë dhe do fillojnë lidhjen që kanë ëndërruar. Financat do duan ende pak kohë që të stabilizohen plotësisht. Tani për tani mundohuni që shpenzimet t’i kryeni me maturi.

Virgjëresha

Me Marsin, planetin e dëshirave në anën tuaj jeta në çift do jetë më e bukur sesa ju mendonit. Gjithçka që do ndodhë do iu duket si një përrallë fantastike. Beqarët nuk duhet të dekurajohen nëse marrin refuzime sepse do vijë shumë shpejt edhe dita e tyre më me fat. Situata financiare në tërësi do jetë e qëndrueshme dhe pa ndonjë problem.

Peshorja

Do bënit mirë të tregoheshit të sinqertë me atë që keni në krah dhe të mos i ushqeni atij shpresa të kota. Jo vetëm që do e lëndonit, por edhe vetë do mërziteni një ditë nga kjo sjellje. Beqarët edhe pse do mundohen shumë nuk kanë për ta gjetur ende shpirtin binjak. Buxheti nuk do jetë shumë i qëndrueshëm kështu që kujdes me çdo shpenzim.

Akrepi

Do ndiheni rehat pranë atij që dashuroni dhe nuk do tundoheni aspak nga personat interesantë që do iu vijnë rreth e rrotull. Për të vetmen gjë që duhet të bëni kujdes është xhelozia e tepruar. Edhe beqarët do futen në një etape të re dhe çdo gjë do jetë shumë më ndryshe nga sa ka qenë më parë. Emocionet do shtohen. Buxheti për fat të keq nuk do jetë në gjendjen më të mirë.

Shigjetari

Klima në jetën e çifteve do jetë e ngrohtë sot. Sistemi yjor do ndikojë pozitivisht dhe pasioni do rindizet shumë shpejt. Nuk ka asnjë rrezik për debate apo mosmarrëveshje. Beqarët do jenë të logjikshëm dhe do dinë si ta joshin personin që do pëlqejnë pa bërë asgjë të tepruar. Në planin financiar gjërat do përmirësohen goxha.

Bricjapi

Nëse jeni në një lidhje mundohuni të gjeni kohë për t’iu përkushtuar më tepër partnerit/es tuaj. Nëse e dashuroni atë sot ashtu si do dojë ai/ajo, shumë shpejt do merrni një propozim të jashtëzakonshëm. Edhe për beqaret parashikimet janë të mira dhe favorizohen lidhjet afatgjata. Për financat ka ardhur momenti i përshtatshëm i riorganizimit.

Ujori

Yjet nuk do ndikojnë pozitivisht në jetën tuaj në çift gjatë kësaj dite dhe në disa momente mund të acaroheni me partnerin/en tuaj duke thënë edhe fjalë të pamenduara. Beqarët vështirë ta gjejnë edhe sot princin e kaltër. Për fat të mirë financat nuk do jenë të këqija. Mundohuni t’i menaxhoni me kujdes ato që t’iu mbeten para edhe për nesër.

Peshqit

Do dashuroheni, do përkëdheleni e do thoni fjalë të ëmbla gjatë gjithë ditës ju të dashuruarit. Çdo çast i kaluar pranë partnerit/es ka për të qenë i jashtëzakonshëm. Beqarët nuk duhet të bëjnë asgjë me zor sepse nuk kanë për të filluar dot një lidhje që do ua mbushë zemrën. Financat nuk do jenë në gjendjen më të mirë. /b.l/noa.al/