Transmetuar më 09-05-2017, 15:25

Grupi Balfin zgjeron kufijtë e investimeve në Ballkan

Më datë 4 Maj 2017, u organizua ceremonia e inaugurimit të dyqanit të parë JUMBO në Bosnje nën emrin e KidZone. Qytetarët e qytetit të Sarejevës, kryeqytetit të Bosnje Herzegovinës, patën mundësinë të prezantohen me shumëllojshmërinë e produkteve që Jumbo ofron tashmë për ta, si dhe të gëzojnë dhe të festojnë me rastin e hapjes.

Shiriti i inaugurimit u pre nga kryebashkiaku i Sarajevës Z. Abdulah Skaka dhe CEO i KidZone Z. Tojan Papajorgji. 

Z. Skaka ndërmjet të tjerash shprehu kënaqësinë për këtë investim si një investim shqiptar duke theksuar se Sarajeva është një qytet që mirëpret investimet e huaja.

Z. Papajorgji siguroi të pranishmit që ky është vetëm fillimi i investimeve që KidZone dhe Grupi Balfin kanë planifikuar në Bosnje. “Investime të tjera, dyqane të reja do të pasojnë shumë shpejt dyqanin që po inagurojmë sot” tha ai.

Në këtë event morën pjesë një numër i madh mediash dhe të ftuarish speciale. Dyqani i parë i JUMBO në Bosnje ka një sipërfaqe prej 4500 m2. Ai ofron për klientët një gamë të shumëllojshme produktesh me cilësi të larte si edhe shërbim te shkëlqyer. E pozicionuar në një nga rrugët kryesore të Sarajevës, me infrastrukturë moderne dhe me standardet e fundit të teknologjisë, JUMBO përbën një atraksion për të gjithë qytetin.

Tashmë Kid Zone, pjesë e Grupit Balfin, numëron 6 dyqane nën logon e JUMBO në Shqiperi, Kosovë dhe Bosnje Hercegovine. Grupi Balfin është grupi më i madh dhe inovator i investimeve në Shqipëri dhe një ndër më të mëdhenjtë në Ballkan.