Pasi ka shpërndarë çertifikatat e legalizimeve, kryeministri Edi Rama ka zhvilluar një takim me të rinjtë në qytetin e Kukësit. Për kryeministrin, zgjedhja që të rinjtë që votojnë për herë të parë më 18 qershor është e qartë.  

“Jemi përpara një zgjedhjeje shumë të qartë, të vazhdojmë reformat. Tre vjet e gjysmë janë shumë për të shkruar historinë së bashku. Ne dhamë provën se ky vend mund të bëhet një vend normal”, ka thënë Rama.  

Ai ka theksuar se, varfëria e më shumë se 20 viteve është pasoja e varfërisë së atyre që drejtuan këtë vend, të cilët sipas tij sot kanë frikë nga drejtësia. “PD është ngujuar në një çadër jo për demokracinë, por sepse ka frikë nga drejtësia. Frika nga drejtësia është udhërrëfyesi më i keq për një politikan”, u shpreh Rama.

Më tej kryeministri shtopi se nëse Partia Demokratike vendos të mos dalë nga çadra, atëherë sipas tij të pushohen nga puna.

“Nëse ata që janë në çadër nuk kanë burrërinë të dalin në zgjedhje ata duhen pushuar nga puna sepse janë votuar për të punuar dhe jo që me votat e zgjedhësve të bëjnë të pamundur drejtësinë. Nuk janë votuar për këtë. PS jo vetëm është forca udhëheqëse, por është garancia e çdo shqiptari pa dallim”, tha Rama. /b.l/noa.al/