Parandalohet një ngjarje e rëndë kriminale në Malësi të Madhe, ku një person ka qëlluar me armë zjarri dhe ka kanosur me jetë fqinjen e tij.
Gjithçka ka ndodhur pasditen e djeshme, në fshatin Lohë e Sipërme, Njësia Administrative Shkrel, Malësi e Madhe.
Alfred Jakaj, për motive pronësie, ka qëlluar tre herë në ajër me armë zjarri duke e kanosur për jetën fqinjen e tij 26- vjeçare M. J.
Fqinjët e tjerë të cilët panë gjithçka lajmëruan policinë ku ndërhyrja e uniformave blu parandalo ngjarje të rëndë.
Efektivët e policisë u vunë në ndjekje të të dyshuarit Alfred Jakaj, ku u arrit që të kapet në flagrancë, bashkë me armën e krimit.
35- vjeçarit i’u sekuestrua dhe pushka gjysmë automatike në cilësinë e provës materiale.
Ndërkohë që lidhur me këtë ngjarje vijojnë ende hetimet, ndërsa materialet i’u referuan Prokurorisë së Shkodrës për veprat penale “Kanosja”, “Prishja e qetësisë publike” dhe “Prodhimi dhe mbajtja pa leje e armëve luftarake dhe e municionit”. /a.y/noa.al