Transmetuar më 20-04-2017, 07:37
Publicitet

Kryetari i Bashkisë së Tiranës, Erjon Veliaj ka vijuar gjatë vitit 2016 të shlyejë një kredi të marrë në gusht të 2015.

Sipas deklarimit të pasurisë, një kopje të të cilit e ka publikuar ‘Panorama’, ai vitin e kaluar ka shlyer 720 mijë lekë nga kredia, ndërkohë që ka për të shlyer edhe 5.8 milionë lekë.

Të ardhurat nga paga për vitin 2016 Veliaj i ka pasur 1.5 milionë lekë, ndërkohë që ka deklaruar një llogari me 1.1 milionë lekë dhe 1 mijë euro.

Ndërsa bashkëshortja e tij, Ajola Xoxa ka deklaruar shitjen e një apartamenti 88 mijë euro.

Në kategorinë e të ardhurave, për vitin 2016 ajo ka deklaruar konsulencë ligjore 7.5 milionë lekë si dhe konsulencë me UNICEF 260 mijë lekë.