Finalizohet me sukses operacioni i koduar "THE WAVE" në Shkodër, ku kanë rënë në pranga tre persona, si dhe janë sekuestruar 11 kg lëndë narkotike e dyshuar Cannabis sativa dhe një armë gjahu.
Në pranga kanë rënë këta shtetas:
Lodovik Vonaj, 33-vjeç, banues në Reç, Shkodër, i dyshuar se ka kryer veprën penale "Prodhim dhe shitje e lëndëve narkotike në bashkëpunim".
Lekë Vonaj, 36-vjeç, banues në Reç, Shkodër. I dyshuar se ka kryer veprën penale "Prodhim dhe shitje e lëndëve narkotike në bashkëpunim”.
Hysni Skënderaj, 58-vjeç, lindur dhe banues në Qafë-Gradë, Malësi e Madhe, i dyshuar se ka kryer veprën penale "Prodhimi dhe mbajtja pa leje e armëve të gjuetisë dhe sportive”.
Shtetasit e lartpërmendur u kapën në vendin e quajtur fshati Reç, konkretisht në parkimin e një lokali, ku në bagazhin e automjetit tip Lancia me targë AA 504 CI, në pronësi të Ludovikut, u gjetën dhe u sekuetruan në cilësinë e provës materiale 11 kg lëndë narkotike e dyshuar si cannabis sativa.
Gjithashtu gjatë kontrolleve të ushtruara në banesën e Hysni Skënderaj u gjet dhe u sekuestrua një armë gjahu çifte, të cilën e mbante pa leje.
Materialet i kaluan Prokurorisë së Rrethit Gjyqësor Shkodër për veprime të mëtejshme./a.k/noa.al/