Transmetuar më 23-03-2017, 15:02
Publicitet

Ky është horoskopi për ditën e premte 24 mars 2017 që Noa.al sjell për ju. Njihuni me parashikimin për punën, shëndetin dhe ndjenjat, si do ecë dita për të lindurit e çdo shenje.

Dashi 

Nëse jeni në çift, bashkëpunimi do ju japë forcë të kaloni çdo pengesë. Gjatë kësaj dite parashikohen momente të ëmbla. Ndërsa ata që janë vetëm mund të kenë momente të trishtuara. E rëndësishme është që të shijoni momentin. Mbani parasysh se një histori dashurie që mbaron është edhe një derë që hapet për të ardhmen.

Demi 

Dita e premte do ju përballë me një sërë problematikash, ku secila prej tyre do nxjerrë në pah anën më të keqe tuajën. Lëreni mënjanë stresin, pasi yjet në pjesën më të madhe të rasteve do jenë në anën tuaj duke ju ndihmuar të përballoni çdo pengesë. Në punë do paraqiten mundësi të mira. Kontributi i një kolegu do i japë shtysë një projekti të ri. 

Binjakët 

Ndikimi i Venusit në shenjën tuaj do të ketë rol mbrojtës, ndaj mos u frikësoni nëse ju shfaqen probleme. Megjithatë disa prej të lindurve të kësaj shenje mund të jenë në qendër të një debati familjar. Mundohuni të veproni me maturi, në mënyrë që të mos e tensiononi situatën. Kujdes me financat pasi shpenzimet e pamenduara mirë mund t’ju mërzisin shumë.

Gaforrja 

Pozitiviteti që do të shoqërojë nisjen e kësaj dite me kalimin e orëve do të zhduket. Nëse në mëngjes pozitiviteti dhe lumturia janë në kulm, gjatë pasdites do të përgjysmohet. Në këtë pjesë të ditës këshillohet që të përdorni kreativitetin tuaj. Ata që janë vetëm do realizojnë disa takime interesante të cilat do ju bëjnë të ndjeheni mirë.

Luani

Parashikohet një ditë shumë e lodhshme dhe e mërzitshme për ju. Planet tuaja nuk do të ecin siç duhet. Dita e premte nuk do të jetë aspak e favorshme, ndërsa vetëm nga java tjetër do të shënohen përmirësime. Ata që janë në çift do kenë disa konflikte me partnerin/en, por që do dini si t’i kapërcejnë. Për beqarët parashikohet ditë e zakonshme.

Virgjëresha 

Parashikimi për të pretmen e tregon qartë se nuk do jetë një ditë e mirë. Neptuni dhe Venusi në shenjën tuaj, nuk kanë aspak ndikim pozitiv. Dikush mund të fusë hundët në punët tuaja dhe t’ua prishë ato. Financat do vijnë duke u përmirësuar falë menaxhimit tuaj të mirë.

Peshorja 

Dita do të jetë përgjithësisht pozitive, ndaj mos i lini pas dore gjërat që keni planifikuar për sot sepse gjithçka do të ecë mjaft mirë, ashtu sikurse i keni menduar. Në punë mund të keni ulje- ngritje për shkak të një kolegu ziliqar, megjithatë shikoni drejtimin tuaj dhe gjithçka do ecë mirë. Beqarët do kenë një takim mbresëlënës.

Akrepi 

Të lindurit në këtë shenjë janë më të favorizuarit e ditës, si në punë, dashuri dhe shëndet. Mos kini frikë të guxoni, madje edhe të gaboni, sepse në fund të fundit nga gabimet mësojmë të gjithë. Horoskopi ju këshillon të mos hiqni dorë nga gjërat që i keni përzemër, por këshillohet t’i shkoni deri në fund synimeve tuaja.

Shigjetari 

Pozitiviteti do të dominojë gjithë ditën tuaj sot, sidomos në fushën e ndjenjave. Ndërkohë Saturni i cili do të shfaqet në shenjën tuaj do të turbullojë disi ujërat. Bëni kujdes lidhur me një çështje delikate, për të cilën kërkohet të veproni me maturi. Në planin financiar parashikohen disa shpenzime të cilat nuk i kishit aspak në plan.

Bricjapi 

Kjo e premte do jetë e mbushur me ulje- ngritje, por që në fundjavë pritet t’i kapërceni dhe të shijoni pushimin. Plutoni dhe Marsi do të ndikojnë në zgjedhjet që do të bëni në sferën profesionale. Do të dini si të përballoni çdo moment dhe do reagoni atëherë kur duhet, kjo do ju’a bëjë gjërat më të lehta për t’i kapërcyer. 

Ujori

Parashikohet një ditë mjaft pozitive dhe në harmoni të plotë me familjen. Do të largoni tensionet e akumuluara në të kaluarën dhe do ecni përpara. Mundohuni të shprehni vendosmëri në çdo gjë që bëni, edhe në rastet kur do të përballeni me një përgjigje negative. 

Peshqit 

Dita do të nisë e mirë qysh në mëngjes. Horoskopi parashikon një ditë të mirë sa i takon raportit në çift për ju të dashuruarit. Shmangni çdo debat dhe telash duke kaluar një ditë mjaft pozitive dhe shijoni pa fund pushimet e fundjavës.financat do përballen me disa vështirësi të vogla./b.l/noa.al/