Transmetuar më 14-02-2017, 17:24

Ata festojnë sot Shën Valentinin e tyre të 71-të së bashku, ku gjithçka nisi në kampin famëkeq të Aushvicit. John Mackay, 96-vjeçar, një ushtar skocez ishte pjesë e forcave komando të Skocisë, të cilët, gjatë një operacioni më 1944-ën, arritën të lirojnë një numër hebrenjsh prej rojeve nazistë, në Poloni.

Pas operacionit të realizuar me sukses, ushtria skoceze organizoi një festë me të mbijetuarit, midis të cilëve ishte edhe Edith Steiner, vajza hebreje që do të bëhej gruaja e pandashme e jetës së tij.

“Gjatë festës doja ta ftoja në kërcim Edith, por dyshoja se do të pranonte ndaj dërgova një shok që ta pyesë nëse ajo donte të kërcejë me mua. Përgjigja e saj ishte se do të kërcente me mua, vetëm nëse unë do e merrja guximin vetë ta ftoja”, kujton me nostalgji njohjen e tyre të parë, John.

Ai ftoi në kërcim Edith dhe gjithçka që ndodhi më pas ishte një romancë e pafundme. Sipas tch, çifti u martua në 17 korrik të  vitit 1946 dhe që atëherë i janë dedikuar tërësisht njëri-tjetrit. Ata janë prindër të dy fëmijëve dhe 7 nipërve e mbesave dhe sot do të festojnë Shën Valentinin e 71-të të tyre.

Ende dhe sot John dhe Edith i drejtohen njëri-tjetrit me “i/e dashur” dhe kanë një këshillë për të gjithë çiftet e rinj: “Jini romantikë gjithë vitin, jo vetëm më 14 shkurt”.