Transmetuar më 07-02-2017, 18:47

Tiranë, 7 shkurt 2017, NOA.al- Shkarkohet nga detyra drejtori i Muzeut Kombëtar, Melsi Labi.

Ky shkarkim i bërë ditën e sotme, e martë, vjen pasi pak ditë më parë, Labi akuzoi ministren e Kulturës, Mirela Kumbaro, se nuk mbështet Muzeun Kombëtar por se ka favorizuar muzetë privatë, akuza të cilat u mohuan nga ministria.

Sipas ministrisë akuzat e Labit janë të pavërteta, ndërsa largimi i tij nga detyra është bërë për thyerje të disiplinës.

Kujtojmë se Melsi Labi është vëllai i ish-drejtorit të Përgjithshëm të Burgjeve, Iljaz Labi, i cili ndodhet në gjykim për shkak të akuzave të korrupsionit.

Ish- zv.Drejtori i Përgjithshëm i Burgjeve, Iljaz Labi, akuzohet për abuzime me tenderat e furnizimit me ushqime në burgje./a.y/noa.al

Akuzat për korrupsion, arrestohet zv.Drejtori i Përgjithshëm i Burgjeve