Kryeministri Edi Rama mbajti një fjalë lamtumire sot, në homazhin kombëtar për shkrimtarin Dritëro Agolli.
Ai lexoi edhe një mesazh në formë poezie, që siç u shpreh z.Rama, “e ka shkruar Dritëro Agolli për këtë ceremoni”.
Z.Rana i parapriu tekstit të Dritëroit me këto fjalë: “Duke i dhënë atij përulësisht lamtumirën, bashkë me ndjesën që po ia shqetësojmë gjumin e fortdëshiruar, dua t’ju lexoj përkufizimin më të pakonkurrueshëm në vërtetësi, që është bërë apo do të bëhet ndonjëherë, lidhur me jetën e me veprën e tij.
“Përjetësisht
këtu fle Dritëroi
Me etërit, gjyshërit dhe shokët pranë.
Të mira bëri pak gjersa jetoi,
Më tepër mund të bënte, po s’e lanë.”, – përfundon teksti që z.Rama citoi duke thënë se Dritëro Agolli e kishte shkruar enkas për këtë ceremoni të përcjelles së tij në banesën e fundit. /noa.al/