Transmetuar më 04-02-2017, 11:43
Publicitet

Janë bërë më shumë se dy muaj kur në veri të Mitrovicës është ndërtuar një mur ilegal pa lejen e institucioneve të Republikës së Kosovës. Mirëpo këta të fundit, në koordinim me Ambasadën e Shteteve të Bashkuara të Amerikës dhe BE-në kanë firmosur përfundimisht nënshkrimin për rrënimin e tij. Indeksonline ka siguruar dokumentin në të cilin është paraparë heqja e këtij muri.

"Gjatë ditëve të fundit dhe nën lehtësimin e Zyrës së BE-së si dhe të Ambasadës së SHBA-ve, ne, palët e përbëra nga ministri i Mjedisit dhe Planifikimit Hapësinor, Ferat Shala dhe kryetari i Mitrovicës së Veriut, Goran Rakiq, jemi pajtuar që të zgjidhim çështjen e cila lidhet me ndërtimin e murit në Mitrovicën Veriore.

Së bashku, ne kemi arritur një zgjidhje, e cila do të ulë tensionet në veriun e Kosovës, do të ndihmojë lirinë e lëvizjes dhe do të krijojë një ambient të favorshëm për të gjithë qytetarët në veri dhe në jug të Mitrovicës. Gjatë ditëve në vijim, ne do të njoftojmë publikun me planin e rishikuar për zonën e këmbësorëve, e cila buron nga marrëveshja në kuadër të dialogut të BE-së, që ka të bëjë me projektin e BE-së për urën.

Ne jemi të vetëdijshëm që çështja ka shkaktuar paqartësi në periudhën paraprake, por jemi kënaqur që të gjithë ne kemi pasur një qasje konstruktive në mënyrë që të përmbyllim këtë çështje në mënyrë të qëndrueshme," thuhet në njoftimin  e Qeverisë së Kosovës.