Jemi mësuar me këshillat se banania është një ndër frutat të cilat kanë shumë veti ushqyese dhe proteina, por a e dini se 50 përqind e këtyre vlerave gjendet në lëkurën e bananes? Mund t’ju duket e çuditshme, por lëkura e bananes mund t’ju sjellë disa përfitime shëndetësore:

Për shkak të fibrave që përmban ajo mund të ulë rrezikun e diabetit në 12% dhe përmirëson proçesin e tretjes.

Ju siguron rreth 17% të vitaminës C në baza ditore dhe për pasojë ju forcon sistemin imunitar. Ju siguron rreth 20% të vitaminës B-6 dhe ju ndihmon të rrisni nivelin e energjisë.

Ju siguron rreth 12% të kaliumit në baza ditore, element i cili është shumë i rëndësishëm në zhvillimin e qelizave, indeve dhe organeve.

Pasi keni parë përfitimet e lëkurës së bananeve, me siguri po pyesni veten se si duhet t’i konsumoni ato?! Idealja do të ishte të merrnit lëkurën e bananeve jeshile sepse mbajnë të ngritur nivelin e dopaminës dhe serotoninës.

Gjithashtu lëkura e bananeve jeshile është ideale edhe për humbje në peshë sepse ka përmbajtje më të lartë probiotike, e cila stimulon procesin e rënies në peshë.

Merrni lëkurën e bananes dhe lajeni mirë. Priteni në copa të vogla dhe ziejeni për disa minuta. Pini lëngun e lëkurës së bananes çdo ditë, në mëngjes ose darkë. Lëngun e saj mund ta ëmbëlsoni me mjaltë.