Fund i dhimbshëm në mes të një atmosfere festive që duhet të ishte e mbushur me momente gëzimi për shkak të Krishtlindjeve dhe vigjiljes së Vitit të Ri.
Por për emigrantin 52-vjeçar nga Shqipëria, Bujar Çaushi, nuk ndodhi kështu.
Në vend t’i gëzohej atmosferës festive, ai humbi fatalist jetën në një aksident rrugor.
Emigranti shqiptar, u përplas për vdekje nga një veturë ndërkohë që drejtonte biçikletën.
Ngjarja ndodhi në Verona, te rruga Canton, lokaliteti Oppeano, raporton noa.al duke cituar burime zyrtare nga policia lokale.
Policia e rajonit Bovolone, tha se ka shoqëruar në kuesturë drejtuesin e automjetit për të parë pjesën e përgjegjësisë së tij në aksidentin që i mori jetën 52-vjeçarit shqiptar Bujar Çaushi.
Në foton që ju sjell noa.al shihen momente pak pas ngjarjes, biçikleta që drejtonte i ndjeri dhe makina që e përplasi fatalisht. /noa.al/