Transmetuar më 26-09-2016, 22:08
Një familje në Ferizaj të Kosovës, nuk po gjen dot vajzën e tyre e cila është zhdukur prej 3 ditësh.
Familja Krakoveci në Ferizaj, raporton se vajza e tyre ka probleme mendore.
Nëna e saj tregon se si u largua ajo nga shtëpia, ku thotë se ishin bashkë në oborr dhe kur ajo ka hyrë brenda në shtëpi, vajza kishte dalë nga oborri dhe nuk ishte kthyer më.
Një i afërm i familjes thotë se vajzën e ka parë në Prishtinë.
Kjo është hera e tretë që ajo ikën nga shtëpia.
Mediat vendase shkruajnë se për ta gjetur Elhamen, janë angazhuar edhe Policia e Kosovës.