Audi ka prezantuar në panairin “New York Auto Shop” modelin R8 Spyder V10.

Pas shumë fotografive të realizuara gjatë testimeve, tani janë prezantuar detajet zyrtare të modelit kabrio. NOA.al ju sjell më poshtë fotot dhe videot e modelit më të ri.

Audi synon që të mbajë peshën e automobilit sa më të vogël që të jetë e mundur.

Për këtë  ka shfrytëzuar një kulm të lehtë që përdor mekanizmin elektro-hidraulik.

Kulmi hapet dhe mbyllet për vetëm 20 sekonda teksa automobili është në shpejtësi prej 50 kilometrave në orë.

Në sajë të këtij kulmi të “butë”, modeli peshon 1612 kilogramë.

Fuqia vjen nga motori 5.2-litra V10 me 540 kuaj/fuqi dhe që përshpejtimin prej 0 në 100 kilometra në orë për vetëm 3.6 sekonda, ndërsa shpejtësia maksimale e tij është 318 km/orë.

Modeli kabrio shpenzon 11.7 litra në 100 kilometra distancë.